Cookies on the TV Licensing websiteClose |
We have updated the TV Licensing Privacy Policy. For detailed information about how your personal data will be collected, used and shared by the BBC as part of the operation of the TV Licence, and your rights under applicable data protection law, please read the Privacy Policy here. |
TV Licensing
Pam ein bod yn ymweld
Os nad oes gennym gofnod o drwydded yn eich cyfeiriad ac nad ydym wedi cael ateb i’n llythyrau, bydd un o Swyddogion Trwyddedu Teledu yn ymweld â chi. Mae angen i ni wneud yn siŵr nad ydych chi wedi bod yn gwylio, yn recordio neu’n lawrlwytho teledu heb drwydded.
Os nad ydych chi’n siŵr a oes angen Trwydded Deledu arnoch chi, dyma beth mae trwydded yn ei gynnwys.
Hoffech chi gael hwn wedi’i gyfieithu?
Ffoniwch ni ar 0300 790 6044* os hoffech chi siarad â rhywun am hyn mewn iaith arall.
Beth sy’n digwydd yn ystod ymweliad
Bydd ein Swyddog yn esbonio’r rhesymau dros yr ymweliad. Bydd yn gwrtais, yn ystyriol ac yn deg. A bydd yn dilyn ein cod ymddygiad.
Os byddwch yn gadael y Swyddog i ddod i mewn i’ch cartref, byr iawn yw’r ymweliad fel arfer. Bydd y Swyddog:
- Yn edrych i weld a oes unrhyw offer teledu wedi’i osod. Neu’n cael ei ddefnyddio.
- Yn rhoi rhybuddiad i chi ac yn eich cyfweld os yw’n amau bod offer teledu yn cael ei ddefnyddio neu wedi’i osod. Bydd yn cymryd nodiadau o’r hyn sy’n cael ei ddweud ac yn gofyn i chi lofnodi i gadarnhau bod y nodiadau’n gywir. Dyma ragor o wybodaeth am y cyfweliad.
- Gwnewch yn siŵr eich bod yn deall beth allai ddigwydd os byddwch yn gwylio neu’n recordio teledu byw, neu’n gwylio BBC iPlayer, heb Drwydded Deledu.
Mae Swyddogion yn gwisgo camera corff i’w diogelu ac i atal pobl rhag eu sarhau. Dyma ragor o wybodaeth am ein defnydd o gamerâu corff.
Os nad oeddech chi wedi rhoi gwybod i’r Swyddog yn ystod yr ymweliad am unrhyw amgylchiadau personol neu broblemau rydych chi’n eu hwynebu ar y pryd, peidiwch â phoeni. Ffoniwch ni ar 0300 373 5453 a byddwn yn esbonio beth mae angen i chi ei wneud.
Sut mae bod yn siŵr bod y Swyddog yn gweithio i ni:
Pan fydd y Swyddog yn ymweld, bydd yn dangos dau gerdyn ID i chi:
Mae un yn cynnwys ein logo, enw cyntaf y Swyddog, dyddiad dod i ben a rhif y cerdyn.
Mae’r llall yn cynnwys enw cyntaf y Swyddog a ffotograff. Mae hyn yn dangos bod gan y Swyddog hawl i ymchwilio ar ein rhan.
Pa bryd gallwn ni fynd i mewn i’ch cyfeiriad heb eich caniatâd
Os byddwn yn cael gwarant chwilio gan ynad (neu siryf yn yr Alban), mae Swyddogion yn gallu mynd i mewn i’ch cyfeiriad heb eich caniatâd.
Gallwn ofyn am warant chwilio pan fydd gennym reswm i gredu bod y gyfraith yn cael ei thorri. Bydd yr heddlu yn dod gyda’r Swyddog i’r ymweliad.
Beth mae angen i chi ei wneud ar ôl yr ymweliad
Bydd angen i chi brynu Trwydded Deledu, os nad ydych chi eisoes wedi gwneud hynny ers yr ymweliad. Efallai y byddwch yn gallu osgoi erlyniad neu ddirwy drwy brynu trwydded a gwneud eich taliadau.
Os felly, byddwn yn ysgrifennu atoch chi.
Oes gennych chi Drwydded Deledu yn barod?
*Nid yw galwadau i’n rhifau 0300 yn costio dim mwy na galwad ar gyfradd genedlaethol i rif 01 neu 02, boed o ffôn symudol neu linell dir. Os ydych yn cael munudau cynhwysol, bydd galwadau i rif 0300 yn cael eu cynnwys yn rhad ac am ddim.