TV Licensing

کیا آپ کو ایک ٹی وی لائسنس کی ضرورت ہے؟

برطانیہ میں، چینل آئی لینڈز اور آئل آف مین میں، آپ کو ایک ٹی وی لائسنس کی ضرورت ہے اگر آپ:

• کسی بھی چینل یا ڈیوائس پر لائیو ٹی وی پروگرام دیکھتے یا ریکارڈ کرتے ہیں (کسی بھی زبان میں، دنیا میں کسی بھی جگہ سے نشر ہونے والا)، یا
• BBC iPlayer پر سب کچھ ڈاؤن لوڈ کرتے یا دیکھتے ہیں۔

اس کا اطلاق ایسی کسی بھی ڈیوائس یا سروس فراہم کار پر ہوتا ہے جس کا استعمال آپ کرتے ہیں، بشمول:

• ٹی وی سیٹ (بشمول اسمارٹ ٹی وی)
• DVD، بلیو-رے اور VHS ریکارڈرز
• لیپ ٹاپس اور ڈیسک ٹاپ کمپیوٹرز
• ٹیبلیٹس، موبائل فونز اور دیگر قابل منتقلی ڈیوائسز
• ڈیجٹل باکسز یا PVRs (جیسے کہ Sky، Virgin Media یا EE TV)
• گیمز کنسولز
• میڈیا اسٹریمنگ ڈیوائس (جیسے کہ Amazon Fire TV، Apple TV، Chromecast، Roku اور Now TV)
• Freeview، Freesat  یا YouView

عام طور پر ایک پتہ پر آپ کو صرف ایک ٹی وی لائسنس کی ضرورت ہوتی ہے، خواہ آپ آپ بہت ساری ڈیوائسز ہی کیوں نہ استعمال کر رہے ہوں۔ غیر مشترکہ کرایہ داری معاہدہ والے گھروں اور کاروباری اداروں کے لیے مختلف شرائط کا اطلاق ہوتا ہے، جہاں ایک سے زائد لائسنس کی ضرورت ہو سکتی ہے۔ اگر آپ کا کوئی دوسرا گھر بھی ہو، تو ممکن ہے کہ آپ کو اس پتہ کے لیے ایک علیحدہ لائسنس کی ضرورت ہو۔ مزید جاننے کے لیے 0300 790 6044* پر کال کریں۔  

 

بغیر لائسنس کے لائیو ٹی وی پروگرام دیکھنا یا ریکارڈ کرنا قانون کی خلاف ورزی ہے۔ BBC iPlayer پر بھی ہر چیز کے احاطے کے لیے آپ کو ٹی وی لائسنس کی ضرورت ہے۔ **اگر ہمیں علم ہوا کہ آپ ٹی وی پروگرام غیر قانونی طور پر دیکھتے، ریکارڈ کرتے یا ڈاؤن لوڈ کرتے رہے ہیں تو آپ کے خلاف قانونی کارروائی کی جا سکتی ہے۔ آپ پر £1,000† تک کا جرمانہ بشمول کوئی بھی قانونی اخراجات اور/یا معاوضہ عائد ہو سکتا ہے۔ 

**اسکاٹ لینڈ میں اسکاٹش مجرمانہ قانون کا اطلاق ہوتا ہے۔ رپورٹ پروکیوریٹر فسکل کو بھیجی جائے گی، جو استغاثہ پر اس امر کا فیصلہ کرے گا۔ †گرنزی میں بھاری ترین جرمانہ £2,000 ہے۔ 

کیا حال ہی میں آپ نے گھر تبدیل کیا ہے؟

اگر آپ نے گھر تبدیل کیا ہے، یا آپ کی جو تفصیلات ہمارے پاس ہیں، وہ غلط ہیں یا ان میں تبدیلی ہوئی ہے، تو براہِ کرم ہمیں اپنے نئے پتے کی تفصیلات بتائیں۔

کیا لائیو ٹی وی یا BBC iPlayer نہیں دیکھتے؟

اگر آپ کسی بھی چینل یا ڈیوائس پر کوئی بھی لائیو ٹی وی پروگرام کبھی بھی نہیں دیکھتے یا ریکارڈ نہیں کرتے ہیں، اور iPlayer پر BBC کے پروگرامز کبھی ڈاؤن لوڈ نہیں کرتے یا نہیں دیکھتے ہیں، تو آپ کو ٹی وی لائسنس کی ضرورت نہیں ہے۔ براہِ کرم ہمیں بتائیں کہ آپ کو لائسنس کی ضرورت نہیں ہے یا ہمیں کال کریں 0300 790 6044* پر۔  کاروباری اداروں کے لیے مختلف شرائط کا اطلاق ہوتا ہے۔

اگر آپ ہمیں یہ بتاتے ہیں کہ آپ کو لائسنس کی ضرورت نہیں ہے تو ہم یہ تصدیق کرنے کیلئے آپ کو وزٹ کر سکتے ہیں کہ کیا واقعی لائسنس کی ضرورت نہیں ہے۔ یہ وزٹس ضروری ہیں کیونکہ جب ہم رابطہ کرتے ہیں تو جن لوگوں نے ہمیں بتایا ہوتا ہے کہ انہیں لائسنس کی ضرورت نہیں ہے ان دس میں سے ایک شخص کو دراصل لائسنس کی ضرورت ہوتی ہے۔

*مارچ، 2019 تک کے مطابق۔

کیا آپ کو اپنے لائسنس کی اب مزید ضرورت نہیں رہی ہے؟

اگر آپ کے پاس ٹی وی لائسنس ہے لیکن اب آپ کسی بھی چینل یا ڈیوائس پر کوئی بھی لائیو ٹی وی پروگرام نہیں دیکھتے یا ریکارڈ نہیں کرتے ہیں، اور iPlayer پر BBC کے پروگرامز کبھی ڈاؤن لوڈ نہیں کرتے یا نہیں دیکھتے ہیں، تو آپ رقم واپسی کے لیے اہل ہو سکتے ہیں۔ براہ کرم مزید معلومات کے لیے 0300 790 6044* پر ہمیں کال کریں۔

ایک ٹی وی لائسنس کی قیمت کیا ہے؟

ایک رنگین ٹی وی لائسنس کی قیمت فی سال 169.50£ ہے۔ اگر آپ نابینا (سنگین حد تک کمزور بصارت کے حامل) ہیں یا 74 سال یا اس سے زائد عمر کے ہیں، تو آپ لائسنس کی کم قیمت یا مفت لائسنس کے حقدار ہو سکتے ہیں۔ آپ اپنے ٹی وی لائسنس کی ادائیگی یا تجدید آن لائن ڈیبٹ یا کریڈٹ کارڈ کے ذریعے کر سکتے ہیں۔ متبادل طور پر، ذیل میں آپ وہ تمام طریقے دیکھ سکتے ہیں جن کے ذریعے آپ لائسنس کے لیے ادائیگی کر سکتے ہیں۔ اگر آپ اپنے ٹی وی لائسنس کی تجدید کر رہے ہیں، تو آپ کو اپنے موجودہ لائسنس نمبر کی ضرورت ہو گی۔

اپنے ٹی وی لائسنس کے لیے ادائیگی کیسے کریں

آپ اس قیمت کو یکبارگی ادا کر سکتے ہیں یا ہفتہ وار، ماہانہ یا سہ ماہی قسطوں میں تقسیم کر سکتے ہیں۔

اپنے ٹی وی لائسنس کی ادائیگی کا آسان ترین طریقہ، آن لائن ڈائریکٹ ڈیبٹ کرنا یا کریڈٹ کارڈ کے ذریعے ادائیگی کرنا ہے۔

ادائیگی کے طریقے:

ڈائریکٹ ڈیبٹ

آپ اپنے ٹی وی لائسنس کی قیمت کو ماہانہ، سہ ماہی یا سالانہ قسطوں پر تقسیم کر سکتے ہیں۔ ہم آپ کے لائسنس کے لیے خودکار طریقے سے ادائیگی لے لیں گے، لہٰذا آپ کو کبھی بھی ادائیگی چھوٹ جانے کے بارے میں فکر کرنے کی ضرورت نہیں ہو گی۔

آپ کے ڈائریکٹ ڈیبٹ ترتیب دے دیے جانے کے بعد، ہر سال آپ کے لائسنس کی خود کار طریقے سے تجدید ہو جایا کرے گی، اس طرح کبھی بھی آپ کے بغیر لائسنس ہونے کا کوئی خطرہ نہیں ہو گا۔

اگر آپ گھر تبدیل کرتے ہیں، تو ہمیں بتانا یقینی بنائیں تاکہ ہم آپ کا ٹی وی لائسنس نئے پتے پر منتقل کر دیں۔ 

 

آپ آن لائن یا 0300 790 6044* پر کال کر کے ڈائریکٹ ڈیبٹ سیٹ اپ کرسکتے ہیں۔ براہِ کرم نوٹ کر لیں کہ، اگر آپ سہ ماہی ادائیگی کا فیصلہ کرتے ہیں تو ہر ادائیگی میں £1.25 چارج شامل کیا جائے گا۔

ڈیبٹ/کریڈٹ کارڈ

اپنے ٹی وی لائسنس کی ڈیبٹ یا کریڈٹ کارڈ کے ذریعے آن لائن، بذریعہ فون یا اپنے ڈیبٹ کارڈ کے ذریعے کسی PayPoint اسٹور پر (یا چینل آئی لینڈز میں پوسٹ آفس کی برانچ میں) ادائیگی کریں۔ براہِ کرم ادائیگی کرتے وقت اپنی تفصیلات اپنے پاس دستیاب رکھیں۔ اگر آپ اپنے ٹی وی لائسنس کی تجدید کر رہے ہیں، تو یہ آپ کے لیے مددگار ہو گا کہ آپ کے پاس اپنا موجودہ لائسنس نمبر موجود ہو۔

ٹی وی لائسنسنگ ادائیگی کارڈ

ایک ادائیگی کارڈ کے ذریعے آپ اپنے ٹی وی لائسنس کی لاگت کی ادائیگی کو فی ہفتہ کم از کم £6.50 تک میں تقسیم کر سکتے ہیں۔ آپ اس کا استعمال آن لائن، بذریعہ فون، بذریعہ متنی پیغام یا کسی PayPoint اسٹور پر ادائیگی کے لیے کر سکتے ہیں۔ اگر آپ اپنے ٹی وی لائسنس کی تجدید کر رہے ہیں، تو یہ آپ کے لیے مددگار ہو گا کہ آپ کے پاس اپنا موجودہ لائسنس نمبر موجود ہو۔

مزید معلومات کے لیے اور اپنے ادائیگی کارڈ کی درخواست کرنے کے لیے، 0300 555 0286* پر کال کریں۔ 

کہاں ادائیگی کریں:

آن لائن

آپ ہماری ویب سائٹ پر اپنے ٹی وی لائسنس کی ادائیگی اور اس کا نظم کر سکتے ہیں۔ آپ ہم سے اپنا ٹی وی لائسنس اور دیگر کوئی مواصلات بذریعہ ای میل موصول کرنے کے لیے بھی کہہ سکتے ہیں، لیکن آپ کے ای میل ایڈریس میں صرف انگریزی زبان کے حروف اور نمبر ہی ہونے چاہیئیں۔

آپ اپنے ٹی وی لائسنس کی ادائیگی بذریعہ ڈیبٹ یا کریڈٹ کارڈ یا ایک ڈائریکٹ ڈیبٹ سیٹ اپ کر کے بھی کر سکتے ہیں۔

اپنے ٹی وی لائسنس کی آن لائن ادائیگی کریں

 

ٹیلی فون

اگر آپ کے پاس کوئی ڈیبٹ یا کریڈٹ کارڈ ہے – جیسے کہ Maestro, Delta, Solo, Visa یا MasterCard – تو آپ 0300 790 6044* پر کال کرکے بھی اپنے ٹی وی لائسنس کی ادائیگی کر سکتے ہیں۔ اس بات کو یقینی بنائیں کہ آپ کے کارڈ کی تفصیلات آپ کے سامنے موجود ہوں۔ 

PayPoint

آپ کسی PayPoint اسٹور پر جاکر ٹی وی لائسنس نقد یا ڈیبٹ کارڈ کے ذریعے خرید سکتے ہیں۔ آپ کو دکان کے خدمتگار کو بس اپنا نام اور پتہ بتانا ہو گا اور £169.50 پوری فیس نقد یا بذریعہ ڈیبٹ کارڈ ادا کرنا ہو گی۔ 

پورے UK میں 28,000 سے زائد PayPoint اسٹورز ہیں، جو آپ کو کنوینیئنس اسٹورز، نیوز ایجنٹس، آف لائسنسز، سپرمارکیٹس اور پیٹرول اسٹیشنوں پر مل سکتے ہیں۔ ان میں سے بہت سے ہفتہ کے ساتوں دن کافی دیر تک کھلے ہوتے ہیں۔ آپ اپنا مقامی PayPoint اسٹور یہاں تلاش کرسکتے ہیں۔ چینل آئی لینڈز میں کوئی PayPoint اسٹورز موجود نہیں ہیں۔ یہاں آپ پوسٹ آفس کی برانچ میں ادائیگی کر سکتے ہیں۔

بذریعہ ڈاک

آپ اپنا چیک TV Licensing, Darlington DL98 1TL کے پتے پر ارسال کر سکتے ہیں۔ براہِ کرم ٹی وی لائسنس کی پوری فیس کا اپنا چیک 'TV Licensing' کے نام واجب الادا بنائیں، اور چیک کی پشت پر اپنا نام، پتہ اور پوسٹل کوڈ لکھنا مت بھولیں۔ براہ کرم نقد رقم ارسال نہ کریں۔

کیا آپ کو کوئی رعایت مل سکتی ہے؟

آپ کے لیے یہ ممکن ہے، اگر آپ (یا کوئی اور جس کے ساتھ آپ رہتے ہیں) درج ذیل میں مبتلا ہوں/ہو:

a. نابینا (سنگین حد تک کمزور بصارت)

آپ اپنے ٹی وی لائسنس پر 50% رعایت کے اہل ہو سکتے ہیں۔

 

b. 75 سال یا اس سے زائد عمر والوں کیلئے اور جو پینشن کریڈٹ وصول کر رہے ہیں

آپ مفت ٹی وی لائسنس کی درخواست دے سکتے ہیں۔ آپ کا اپنے نام پر پینشن کریڈٹ موصول کرنا لازم ہے۔

یا اپنے پارٹنر کے نام پر بشرطیکہ آپ ایک ہی پتے پر مقیم ہوں۔

 

c. عمر 74 سال ہے اور پینشن کریڈٹ موصول کر رہے ہیں

آپ ابھی مفت ٹی وی لائسنس کی درخواست دے سکتے ہیں اور 75 ویں سالگرہ تک احاطے کے لیے مختصر مدتی لائسنس حاصل کر سکتے ہیں۔

 

اگر آپ چینل آئیلینڈز یا آئل آف مین میں رہتے ہیں تو اس میں فرق ہو سکتا ہے۔

ابھی tvl.co.uk/concessions پر رعایت کی درخواست دیں۔ یا 0300 790 6150* پر کال کریں۔

 

کاروبار اور تنظیمیں

آپ کے کاروبار کی عمارتوں کا ٹی وی لائسنس ہونا ضروری ہے اگر اسٹاف، کسٹمرز یا مہمان کسی چینل پر لائیو ٹی وی پروگرام دیکھتے ہیں یا ریکارڈ کرتے ہیں یا iPlayer پر BBC پروگرام ڈاؤن لوڈ کرتے یا دیکھتے ہیں۔ اس کا اطلاق کسی بھی ایسی ڈیوائس پر ہوتا ہے جو آپ نے فراہم کی ہو، اور ان کی اپنے کسی ایسی ڈیوائسز پر بھی جو مین میں لگی ہوئی ہیں۔

اگر آپ کے کاروبار کی صرف ایک ہی عمارت ہے تو آپ کو صرف ایک ٹی وی لائسنس کی ضرورت ہو گی۔ ہر پتے کے لیے ایک لائسنس کی لاگت ایک سال میں £169.50 ہے اور اس میں وہ ساری ڈیوائسز آ جائيں گی جن کا استعمال اس پتے پر ہوتا ہے۔ ایک واحد ٹی وی لائسنس کی ادائیگی کا آسان ترین طریقہ، ایک ڈیبٹ یا کریڈٹ کارڈ کے ذریعے آن لائن یا ڈائریکٹ ڈیبٹ کے ذریعے کرنا ہے۔  

اگر آپ کو ایک سے زیادہ پتے کا احاطہ کرنے کی ضرورت ہے تو سب سے آسان طریقہ ایک کمپنی گروپ ٹی وی لائسنس لینا ہے۔ کوئی فارم پُر کرنے کی ضرورت نہیں۔ آپ کو صرف ایک ادائیگی ہر سال کرنی ہے، اور آپ کو صرف ایک یاد دہانی موصول ہو گی جو ایک واحد پتے پر بھیجی جائے گی۔ ایک کمپنی گروپ ٹی وی لائسنس کے لیے ادائیگی کرنے کی خاطر، ہم کو 0300 790 6165* پر فون کریں اور ہمیں آپ کی مدد کرکے خوشی ہو گی۔ 

ایک ٹی وی لائسنس مندرجہ ذیل کا احاطہ نہیں کرتا:

• آپ کے احاطہ میں رہائشی اقامت گاہ،
• آپ کے احاطہ میں لیکن کسی اور کی جانب سے چلائے جا رہے سوشل اور ویلفیئر کلب،
• آپ کی جانب سے کسی اور ادارے کو کرایہ پر دیا گیا احاطہ، یا
• مہمان نوازی والی جگہیں۔

ہوٹلوں، ہوسٹلوں، موبائل یونٹوں اور کیمپ سائٹس کے لیے بھی مختلف ضوابط ہیں۔

براہ کرم نوٹ کریں: اگر کبھی بھی آپ کی حدود میں کسٹمرز یا عملے کیلئے - ریڈیو، TV، کمپیوٹر یا CD/DVD پر موسیقی لگائی جاتی ہے - تو زیادہ تر صورتوں میں آپ کو PPLPRS سے موسیقی کا لائسنس خریدنا ہو گا۔ مزید معلومات کیلئے www.pplprs.co.uk  پر جائیں۔

کسی معیاری ٹی وی لائسنس کی شرائط و ضوابط کیا ہیں؟

آپ سے مراد وہ فرد ہے جس کا نام لائسنس پر درج ہے۔

ٹی وی لائسنس کی ضرورت کیوں ہے؟

لائسنس یافتہ مقام پر ٹی وی پروگرام موصول کرنے والی ڈیوائسز کی تنصیب اور استعمال کے لیے۔ یہ احاطہ کرتا ہے:

• اس وقت پروگرام دیکھنا اور ریکارڈ کرنا جب وہ ٹی وی پر یا کسی آن لائن ٹی وی سروس پر لائیو دکھائے جارہے ہوں، بشمول وہ پروگرام جو انٹرنیٹ پر نشر ہوتے ہیں اور UK کے باہر کے سیٹیلائٹ پروگرام، اور
• مطالبہ پر BBC پروگرام دیکھنا اور ڈاون لوڈ کرنا، بشمول BBC iPlayer پر کیچ اپ ٹی وی۔

آپ کسی بھی ڈیوائس پر ایسا کر سکتے ہیں، بشمول ٹی وی، کمپیوٹر، لیپ ٹاپ، موبائل فون، ٹیبلٹس، گیمز کنسولز، ڈیجیٹل باکس DVD/VHS ریکارڈر یا کوئی دیگر شامل ہیں۔

 

یہ لائسنس، ٹی وی کے سازوسامان کے استعمال اور تنصیب کی اجازت دیتا ہے:

• کسی کی بھی جانب سے لائسنس شدہ جگہ پر۔ 
• کسی گاڑی، کشتی یا بند گاڑی میں مندرجہ ذیل کے ذریعے:
  • آپ یا کوئی بھی جو عام طور پر آپ کے ساتھ لائسنس یافتہ جگہ پر رہتا ہے (سوائے غیر ٹور والی گاڑیوں میں جب کوئی لائسنس یافتہ جگہ پر ٹی وی دیکھ رہا ہو یا ریکارڈ کر رہا ہو)۔ 
  • کوئی بھی جو عام طور پر لائسنس یافتہ جگہ پر کام کرتا ہو (جب تک گاڑی، کشتی یا بند گاڑی کا استعمال کسی کاروباری مقصد کے لیے ہو)۔
• آپ کی جانب سے یا کسی اور کی جانب سے جو عام طور پر آپ کے ساتھ لائسنس یافتہ جگہ پر رہتا ہو، کسی بھی جگہ اندرونی بیٹری سے چلنے والے ٹی وی کے آلات کا استعمال۔ 

لائسنس عام طور پر مندرجہ ذیل چیزوں کا احاطہ نہیں کرتا: 

• یہ لائسنس مکمل طور پر کرایہ داروں، لاج میں قیام کرنے والوں، یا پیئنگ گیسٹ کے زیر استعمال علاقوں کا احاطہ نہیں کرتا۔ 
• وہ علاقے جو خود مختار ہیں۔
• وہ علاقے جو علیحدہ قانونی انتظامات کے دائرے میں ہوں۔
• کاروباری عمارتوں کے وہ علاقے جن کا استعمال کسی مختلف مقصد کے لیے ہوتا ہو۔

بلیک اینڈ وائٹ لائسنس

اگرچہ آپ کے پاس بلیک اینڈ وائٹ ٹی وی ہو، تب بھی ٹی وی پروگراموں کو ریکارڈ کرنے کے لیے آپ کو ایک رنگین لائسنس کی ضرورت ہوتی ہے۔ کیونکہ DVD، VHS اور ڈیجیٹل باکس ریکارڈر رنگین ریکارڈنگ کرتے ہیں۔ ایک بلیک اینڈ وائٹ لائسنس اسی صورت میں جائز ہو گا جب آپ ایک ایسے ڈیجیٹل باکس کا استعمال کرتے ہوں جس پر ٹی وی پروگرام ریکارڈ نہیں کیے جا سکتے ہوں۔

دیگر شرائط

• ہم آپ کا لائسنس تبدیل یا منسوخ کر سکتے ہیں۔ اگر ہم اسے منسوخ کرتے ہیں، تو ہم آپ کو بتائیں گے۔
• اگر ہم لائسنس کی شرائط میں تبدیلی کرتے ہیں تو ہم ایک اطلاع عام BBC کی ویب سائٹ پر شائع کریں گے اور اگر ہم نے مناسب سمجھا تو دیگر قومی ذرائع ابلاغ میں بھی شائع کریں گے۔
• ہمارے افسر ہمارے ریکارڈ اور آپ کے ٹی وی نشریات موصول کرنے والے آلات کا معائنہ کرنے کے لیے آ سکتے ہیں۔ آپ کے لیے انہیں گھر کے اندر آنے دینا لازمی نہیں ہے۔
• آپ کے ٹی وی نشریات وصول کرنے والا آلے کو ٹی وی اور ریڈیو کی وصولیابی میں کوئی بے جا مداخلت نہیں کرنی چاہیے۔ 

سوچیں ہو سکتا ہے کہ آپ کو کسی ٹی وی لائسنس کی ضرورت ہو؟ ابھی چیک کریں۔

براہ کرم نوٹ کریں: علیحدہ شرائط و ضوابط کا اطلاق مندرجہ ذیل قسم کے ٹی وی لائسنس پر ہوتا ہے: ہوٹل اور موبائل یونٹ ٹی وی لائسنس، ARC رعایتی ٹی وی لائسنس اور تفریحی یونٹ ٹی وی لائسنس۔ اگر آپ کے پاس ان میں سے ایک ہے، تو براہ کرم مخصوص شرائط و ضوابط کے لیے اپنا لائسنس ملاحظہ فرمائيں یا معلومات کے لیے ہم سے رابطہ کریں۔

*ہمارے 0300 نمبر کو کی جانے والی کال کی شرح 01 یا 02 نمبر والی قومی کال سے زیادہ نہیں ہوتی، خواہ کسی لینڈ لائن سے کی جائے یا موبائل فون سے۔ لینڈ لائن سے کی جانے والی کالز پر عموماً 9p فی منٹ کا چارج لیا جاتا ہے اور موبائل فون سے کی جانے والی کالز کے لیے 8p اور 40p فی منٹ کے درمیان چارج کیا جاتا ہے۔ اگر آپ کو اپنے موبائل یا لینڈ لائن کے لیے پلان میں شامل منٹ ملتے ہیں، تو اس میں 0300 کو کی جانے والی کالیں بھی شامل ہوں گی۔